المساعد الشخصي الرقمي

مشاهدة النسخة كاملة : كلمات الاغانى الخاصة بكاسيت حزن الحراز


فتح العليم
01-23-2008, 09:39 AM
هل جارت الايام عليه ولا ادلق عطش السنين خلاهو كرهان الرزاز
حزن الحراز،،،
ما بينو ما بين الغمام زاد الجفا ودام الخصام
شوقر عروقو من المحل خدر من الشقى كل عام
لا فرهد اوراقو الخريف لا ركّ قمري ولا حمام
عاشق سفر طير الرها عبر المسافة بلا جواز
حزن الحراز،،،
دايما ينادي من البعيد سرب المعزات اللي فات
سر الهوى المزروف دموع آلامو في الحيا والممات
احرق معاناتك شموع ارميها ضد الريح رفات
والساكنة عمقك زكريات واريها في صي المفاز
حزن الحراز،،،
قول لي يا رويان عطش ليه انت حبيت الجفاف
عقرب معاناتك دوام تدميك بي مر الزعاف
شايفك يبكيك النضار عارفك من الامطار تخاف
لكن بشيل الحيرة ليه لي كل قاعدة اكيد شواذ
حزن الحراز،،،
افرح اذا ما الليل دخل طرد الشعاع من النهار
بوخ من العتمور سموم تلفح مياسم الزهرة نار
العن محطات الامل اسرق من النيل المحار
علم دواير الهم تدور لوليها محور ارتكاز
حزن الحراز،،،

فتح العليم
01-23-2008, 09:40 AM
لا تنجع
خالد شقورى


يا الشايل شمسك في جواك خليها تبين للناس تطلع
يا النازع فرحة والدة هناك غير حس آهاتك ما بتسمع
******
يا الناسي اللبقة المفتوحة دي بلاك طوريتك ما بتقرع
المنجل في راس التمرة ناسيهو وامك ما بتطلع
الكتقة وقعت والحملان في اللوبي بقت تجري وترتع
والزير الفي بيت الضيفان حرمان لا نزّ ولا نقع
******
يا السبت عقابك وروحت وحيات عز بلدك لا تنجع
الشتلة تقولك لاتنجع الواطة تقولك لا تنجع
الحوض الما رفعت سرابو ينادي يقولك لا تنجع
الحبل الما تميت وسيرو يهاتي يقولك لا تنجع
والنيل الفي واطاتنا ترع بيقولك ازرع ولا تنجع
******
ماك فاكر يوم داير ترحل وابوك الحاج شايلو عصا
لا حيلو وقف طقش الابريق اندفق سال فوق المصلاة
قام بارى الحيطة واتوكل ويقوم فد مرة ومية يقع
ويقولك يا المبروك ارجع
******
ارجع ارجع يا زول ارجع غير ارضك عاد ما بتلقى بطاح
شن داير في بلدا والناس ما فيهن حاس وما فيها صباح
الليل الويل مليان اتراح الويل الليل مليان اتراح
بياع بيقول افراح افراح زي البيقول تفاح تفاح
******
مجلوبة الفرحة ومفروشة من ضحك الناس دايرين ارباح
لو كان في ايدن ملك الكون كان لمّو عبير الزهر الفاح
كان علمو نفس الزول العاش في سدر الليل داير يرتاح
كان حجزوا الغيم في واطاتو وكان آمسكين باعو الارواح
******
وين تلقى الفرحة وتتهنى في دارا ضيقي ومافي براح
جم ناسا من عين العطشان تخطف ومضات البرق اللاح
******
سايب اهلك ونخلك راحل قول وين ماشي وين آ صاح
الشمس النايري ابت تطلع النيل يا زول اصبح رحراح
الضل قصر ما غتى رويس ولدا ساكب عرق الكتاح
الواطة ابت تديك الخير ولا انت عليك ما هابي رياح
******
قولي وين ماشي ووين غاشي ولي شن سايب بلد الصلاح
النسمة ان جاتك بتجيك ملياني عبير عند الفياح
الموية ان داير تلقاها نقاعا واطيب من الراح
ان درت نغيم الموج تلقى وان درت كمان الطير صداح
******
ارجع ارجع يا زول ارجع
الضحكة هناك من جوة الجوف الفرحة هناك ما فيها الخوف
الشقى ارحم في ضل النيم وبعيد من ناسا واقفة صفوف
جم ناس حبان تلقى المكسور مشيول في كتاف واحد مكفوف
الجن الاحمر فاقد الحيل في خلوة حاج الخير مكتوف
دكان الشيخ فوق الواطة كيمان كيمان ما فيهو رفوف

فتح العليم
01-23-2008, 09:41 AM
يا شمات كفاية البي جنّي قواسم اتلمت
جارن بالتجني علي سدن حلقي بالعبرات
كفـــــــاية،،،
ياخلاي وينكم لي لقلبي النزف دمعات
ياما غنى قال احي وفرحت بي غنى الشمات
جراحك ما بتطيب بالكي وياما انطبقن كيات
ياشمـــــات،،،
متين ظلم الاحبة يروح وتشهد بي فنا الايام
عشان زيك كتير مجروح شان البيك من آلام
طولت في العذاب والنوح صدن منك الاحلام
ماك قادر تقول وتبوح دموعك ياما فيها كلام
سامعك في جواي والروح تردد كل شي اقسام
كفـــاية،،،
كفاك يا قلبي ديل شمات راجنك متين تشكي
دايرنك تقاسي الفات اوعك تاني لا تبكي
اسكت واكتم العبرات في جواك قول واحكي
امحى الماضي بالجايات يجيك غصن الفرح متكي
اوعك تاني تنعي المات وللشمات تكون ضحكي
ياشمات كفاية البي،،،
اكيد غيم المحنة يجود ما فاد النواح الآه
اوعك تاني ليهو تعود اخير لك كابد المنفاه
كفاية الشفتو في المريود دا فرج فيك خلق الله
خلاص خليهو للمعبود هو ساير في درب تواه
كفــــاية،،،

فتح العليم
01-23-2008, 09:42 AM
لازم اجيك
أمّن مساديري النهار ..
وسارق غنايا معاك ليل
دجّن خطايا عليك مشن ..
والنسمة مدت كم سنة
لقيت طرف توب الشمش
وكتين بهلت من النهار ..
وساعة انجهرت من الشمش ..
دفقت من منطال دواخلي عليكي شوق
والعمر ما فات دوزنة ..

كان لازم اجيك ..
كان لازم اقاسي اللوعة شان اجبر بخاطر اجيك

مجبور انا .. مجبور انا
سكة العمر البضيع سيدو في مساء النجم بمشيه انا
فارد شراع اللهفة ليك .. لوحت ليك راهنت بيك ..قاصرت طول ليلك غنا
هاجرت من باقي انشداهي عليك ظنون .. حتحت ظني انا يا حنون
ورجعت زي ما كنت انا .. ياني المكنتل بيك كريت شيل حمل بهواك عنا

يا إنتي يا آخر قلاع الدهشة وكتين تنتصب قدام مسارب حياه
توقد فوانيس العمر .. وتحمل مشاعر الذات رجا
تبسم عشان خاطر الزمن .. كل ما تروح بالروح فدا
وتبحر على سفن العشم .. ياهن عويناتك نجاه

مجبور انا ومجبور ..
اتقاودن همسات دواخلي عليك مشن
واتشايحن اوتار غنايا عليك بكن
اتداخلن حد ما رأيت ..
واتماوجت خلجات قليبي وكت رسن
يا روحي يا عافة البدن

فتح العليم
01-23-2008, 09:44 AM
ناقش الاحساس

يــــا نــاقــش الا حــســاس عــلــي وتـــــر الــنـــدم

هـيــج سـوالــف الـذكـريـات كــبــت مـنـابــع الاه دم

يـاراسـم الـحـزن الدفـيـن فــي ظــل تجاعـيـد الالـــم

اخفيت معالم البسمه وين اديـت ملامـح الصـوره هـم

الصادي من حس الخايـل الجـاي بـي واقعـو اصتـدم

مـا بينـي مـا بيـنـك مــدار قــدر سنـيـن ترحـالـو كــم

لو انت موصوف با لضيـاء دافـر ظـلام ليلـي الهجـم

انا ذاتي معـروف بالشمـوخ احساسـي يلصـف بالقيـم

لاك دار تلوج مـن كبريـاك تدينـي راس خيـط العشـم

ولا لي جناح انا شان اجيك خلقوني من حظي السجم

يـا وحـي الهامـي وغنـاي احيـت رفاتـي مــن الـعـدم

مـا بيـن جـدار قلبـي الجريـح متوهـط اهــداب الكـيـم

اعزرني لو صعب الوصـال اعرفنـي محكـوم بالقـدم

كيفـن بجيـك وانـا فـي البيـوت لقيانـا متـروك للقـسـم

فتح العليم
01-23-2008, 09:49 AM
رمية ضياع الجيهى

يا واهب بقية عمرك المنفى
قصاد غلب الحنين والشوق
وضياع الجيهي والمرفى
يا واهب بقية عمرك المنفى
شيل طول الليالي براك
وجم حيل غنوتك جواك
وحير بالصبر منفاك
لو باقي العمر كفى
يا واهب بقية عمرك المنفى
شوف من ميسو جاك العيد
وفتق فيك جروح الريد
وحالتك لما تبقى بعيد
كت قايل الجراح تشفى
يا واهب بقية عمرك المنفى
جنيت من حبك الترحال
وصبح وصل الحبيبة محال
ما قليب الغربة حن ومال
برغم قساوتو كان اوفى
يا واهب بقية عمرك المنفى
علي زكراهو كنت امين
ورويت كل المسافة حنين
وخلاص اعطش براك سنين
بعد قلب الحبيب جفى
ويا واهب بقية عمرك المنفى
شذاك الكان مذكي الروح
يخصم بالرسول النوح
علي صدرك عبيرو يفوح
وقت في حضنك يدفى
يا واهب بقية عمرك المنفى
نسف كل الغرام الكان
ورماك في جب من الاحزان
تقاسي اللوعة والحرمان
حضن بلدا غريب ضفة
يا واهب بقية عمرك المنفى

فتح العليم
01-23-2008, 09:51 AM
الامل الرحل


يا فرحة في بحر السراب
يا كلمة في أول جواب
يا واحة في ليل الصعاب
يا خيط شعاع وسط الضباب
يا نجم من دنيانا غاب
يا أغلى ما تحت التراب
من خلفي قضبان العذاب
ليك برسل الآهات خطاب

يا يمة يا الأمل الرحل
قبال يقول كلمة وداع
يمة يا النور الخفت
قبال يرسل خيط شعاع
يمة يا دمعة فطيم
خلوهو لي ليل الضياع
يمة يا مركب نجاة
غرقت قبل تفرد شراع
يمة يا نجمات صباح
مرن سراع مرن سراع

يا يمة من بعدك أنا
أصبحت للأحزان وطن
دروشت في خلوة أساي
سبحت بي خرز المحن
كتحت صبري أنا للرياح
غنيت للأحزان بكن
دقيت باب الذكريات
كان ألقا لي هناك سكن
لا لقيت صورتك في الخيال
لا شفت من بعدك زمن
ودرت لي درب الرجوع
كل المعالم إختفن

فتشت في كل البلاد
كان ألقا لي طيبتك مثيل
دورت في كل البقاع
شايل عذاب ليلاً طويل
زادي الوحيد كان الصبر
في الظلمة والزمن العليل
زمناً يشيل حق الضعيف
يديهو لي عابر سبيل
زمناً يغير كل شئ
حتى الزمان كان مستحيل

يا يمة كيف يتبلّ شوق
والشوق على كل يوم يزيد
لا إنتي بنتي ولا هو راح
لا غيرو الزمن المديد

يمة من بعدك لا فرح طلانا
لا ضمانا عيد
غير خيط فرح يبدا ويروح
كل ما أقول يا داك فرح
ألقاهو مني بعيد بعيد

لكني راجع ليك أنا
بالرغم من كل المحال
جاييك عشان أعرف خطاي
من وين تستف للرحال
جاييكي لو كان مستحيل
جاييكي لو كان في الخيال
لاقيني لو كان في الحُلم
ما الدنيا من بعدك زوال
عنواني خلف اللاوجود
يا أُمي يا أبعد منال

فتح العليم
01-23-2008, 09:52 AM
اللوم عشم

اللوم عشم وانا بيك قسمت
قسم اليمين فوق الكتاب
الكان زمان بيناتنا يوم
من جيهتك انتا قفلو باب
تسألني مالك ما بتلوم
ما عندي للغدار عتاب
******
ما داير اعيد الزكريات مادام مريرة ويوما غاب
بنساكي شان انا لي زاد قطعتي في قلبي العذاب
******
قلبي الخرب لحظة مشيت من غير سبب بالصدمة طاب
وقضيتو اكبر من حبيب يخطف زهور عمر الشباب
مامالو اسرع من وجيب قلب المحبين القراب
ايمانو بالدنيا ام سماح خلاهو قال لك مرحباب
******
شان ريدو زاد واتوصى بيك خليتو في بحر الصعاب
ما كنت فايت بي وشيك ياتو المزكرك العقاب
المتلي ما ترباة هوان شان انت تمسحبو التراب
ما كان حديث شفع شان ننصلح نرجع صحاب
او كت بكيتك اغتراب شان بيك يفرحني الإياب
******
ما همي دفقات الحنان شان في موقع يستطاب
على قدر ما اديتك امان ما عندي ليك اسع حساب
مرهف قليبي ومستعان ربو البخفف لو المصاب
كان زنبو انو امين عليك وبعد الحصل من ذنبو تاب

فتح العليم
01-23-2008, 09:54 AM
يادنيا

يادنـيـا بــي حـظـي الـزريـع بتحـمـل الـقـدر الـمـريـع
خايف من الاحزان اضيع ما القـي بـي قربـي الوجيـع
صوت القوافي البيك تنوح والسالفه في لحظة وضوع
فارقتـي والايديـن تلـوح رسبتـي فـي عيـنـي الـدمـوع
ورينـي ويـن بعـدك اروح بينـا اقطـع عشـم الـرجـوع
في قلبي ما بتبري الجـروح مـن فتـي فارقتـي الهجيـع

ليـه دنيتـك كانـت ســراب مـمـدودا بــي مــد الـعـذاب
احزني لازمني اكتئاب وانا بي وراكـي شبابـي شـاب
سـدي المداخـل وكـل بـاب طلينـي مــن دنـيـا الغـيـاب
بلقاكي في نفـس الربـاب واشعـاري ليـك عالـم وسيـع
ساهرتـا طـول الليـل معـاك كـم مـره عـديـت النـجـوم
مـا طافـت الاحـلام رؤاك لـو اضمـن احلمـبـك بـنـوم
ياقلبي يا ضايـع كفـاك شـن جبتـا غيـر حسـرا وهمـوم
ابكيهـا لـو ينفـع بكـاك الدمـعـه مــا بتـجـدي الصـريـع

فارقتـي فـي عـز الغـرام مـن قبـل مــا تثـبـت خـطـاي
افردتـا ليـك درر الكـلام خلـدتـا وصـفـك فــي غـنـاي
ماانتـي مـا بيـن المسـام فــي كــل احسـاسـي ومـعـاي
طـفـل الـغـرام البيـنـا نــام اتلافـتـو الاقــدار رضـيــع
سبتينـي لحزنـي العميـق للحسـره لخـاطـري الجـريـح
ياريتـنـي لــو اقــدر افـيـق لــو مـتـا يمـكـن اسـتـريـح
يـا دنيـا طـال بـي الطريـق وانـا بيـن مسافاتـك كسـيـح
كيفن وصولي بلا رفيـق والخطـوه كيـف بعـدك تطيـع

زود شجوني علـي العلـي طيـف المهاجـر منـي فـات
يادنـيـا مــا بـايـدي شــئ غـيــر الله يلهـمـنـي الـثـبـات
والباقـي فـي جـواي حـي ياحليـلـو ودع سـيـدو مــات
ببكيهـو عمـري الباقـي لـي فـوق الدمـوع لـو بستطيـع